En engrazieivlad recumandein nus a Diu, il Tutpussent,

S.E. Msgr. Vitus Huonder
Uestg emeritau da Cuera
El ei morts mesjamna, ils 3 d’avrel 2024 a Wangs SG.

Il defunct ei naschius ils 21 d’avrel 1942 a Trun GR. Ils 25 da settember 1971, la fiasta da frà Clau da Flia, eis el vegnius ordinaus spiritual. Ils 6 da fenadur 2007 eis el vegnius elegius dil capetel catedral digl uestgiu da Cuera sco uestg diocesan da Cuera e confirmaus ils 8 da fenadur 2007 da Papa Benedetg XVI. L’ordinaziun episcopala ha giu liug ils 8 da settember 2007 a Nossadunnaun entras siu antecessur uestg Amédée Grab OSB; conconsecraturs ein stai il nunzi apostolic en Svizra arzuestg Francesco Canalini ed igl anteriur uestg diocesan da Basilea Kurt Koch. Siu motto episcopal seclamava “instaurare omnia in Christo” (renovar tut en Cristus). Igl uestgiu ha el surpriu ils 16 da settember 2007. El ha tgamunau igl uestgiu da Cuera tochen ils 20 da matg 2019. Ses davos onns dalla veta ha el passentau egl institut Santa Maria a Wangs SG che vegn menaus dalla confraternitad sacerdotala Pius X e nua ch’el ei vegnius provedius e tgiraus tochen alla fin da sia veta.

Cuera, ils 5 d’avrel 2024

Uestg Joseph Maria Bonnemain, uestg da Cuera
Uestg em. Peter Bürcher, administratur apostolic em. digl uestgiu da Cuera
Uestg auxiliar em. Maria Eleganti, uestg auxiliar emeritau digl uestgiu da Cuera
Dr. Albert Fischer, prevost dil capetel catedral da Cuera
Regens Daniel Krieg, decan dil capetel catedral da Cuera
Parents d’uestg Vitus Huonder

Sin giavisch dil defunct vegn la sepultura ad esser ella cripta dalla baselgia dil seminari dalla confraternitad s. Pius X ad Ecône VS.
Ella catedrala a Cuera vegn celebrau venderdis, ils 19 d’avrel 2024 in requiem pil defunct, al qual tuts cartents ein envidai. Uestgs che concelebreschan prendan cun els ina sempla mitra alva. Spirituals che concelebreschan ein supplicai da prender cun els in’alba ed ina stola violetta e da s’annunziar tier la canzlia episcopala tochen pli tard mejsamna, ils 17 d’avrel 2024 (kanzlei[at]bistum-chur.ch). Las pleivs e las cuminonzas claustralas ein supplicadas da celebrar en quels dis l’eucaristia pigl uestg defunct.
Adressa da malencurada: Bischöfliche Kanzlei, Hof 19, 7000 Chur; kanzlei[at]bistum-chur.ch

Todesanzeige-em.-Bischof-Huonder-2024 Romanisch